Kisulabeak

Ondare arkitektonikoa

– Kisulabeak

Herriko Kisulabeak

Etxalarko lurraldetatik paseatu ezkero, kisu labe aunitz ikusi daitezke belardi eta bide bazterretan. Badira herri inguruan kokatuak daudenak eta badira baita baserriko auzoetan ere. Kisu labeak beti lana egin behar zen belardi edo landaren ondoan eraikitzen ziren. Hauen gaur egungo egoera, gutti batzuk kenduta, nahiko txarra da, sastrakaz estalita ez badaude, egoera tamalgarrian edo eroriak daude. Kisu labe gehientsuenak erakin zirkularrak dira, sarrera txiki bat beheko aldean dutela egosketa kontrolatzeko. Garai batean kisua edo karea lortzeko, lapitz harria bi egun jarraian egosten jartzen zen. Eraikin hauen goiko aldea irekia da, eta bertatik betetzen ziren. Gero lortutako kisua (karea), landa eta belardietan ongarri bezala hedatzeko erabiltzen zen eta hargin lanetako ere. Labe hauen jabeek, beraientzako prestatzen zuten kisuaren soberakinak saldu egiten zituzten.

Hobekien kontserbatzen diren kisu labeak; Ermitarako errepide bazterrean daudenak, Beko Zubi baserrikoa eta  Errotagaraia etxearen ondoan dagoena.